O LADRÓN DE PALABRAS

Como remate do curso ,o pasado xuño, nenos e nenas de 2º de Primaria do colexio da Pedra levaron a cabo unha pequena representación da obra "El ladrón de palabras" de Antonio de la Fuente Arjona ,(pertencente ao Fondo Teatral María Casares). Dita obra foi traducida ao galego e adaptada aos nenos/as e ao entorno. Resultou unha experiencia gratificante para todos, que nos serviu para darnos conta  de todo o partido que se lle pode sacar a este tipo de actividades cos nenos.Supón aprender a traballar en equipo , responsabilizarse e colaborar nas tarefas e sobre todo xogar e experimentar coas diferentes formas de expresión.

2 DE ABRIL ,DÍA DO LIBRO INFANTIL

Co gallo da celebración do día Do Libro Infantil, os vindeiros 2  e 4 de abril teremos a oportunidade de asistir  á lectura dramatizada  de O OGROCHO ,(El ogrito) de Suzane Lebeau, dramaturga nada en Canadá, recoñecida a nivel mundial pola súa obra dedicada ao público xove.
A lectura terá lugar nas Bibliotecas de Cangas (2 de abril) e Quintela ,Moaña ( 4 de abril) e está indicada para nenos/as a partir de 8 anos.
O Ogrocho , é o fillo dun ogro que decide burlar o seu destino. Deberá pasar tres probas que son un desafío para o seu instinto e os seus desexos turbulentos. Por unha banda herdou do seu pai o apetito da carne tenra, pero tamén herdou da súa nai a sede de vivir en paz co mundo.

27 DE MARZO

Hoxe celebramos o Día Internacional do Teatro, e con tal motivo fixemos un mural na entrada do cole , que nos fai reflexionar o que teñen en común o cómic (sobre o que estamos traballando este curso) e o teatro. Ámbolos dous xéneros dan moita importancia ás expresións faciais e corporais para enriquecer o sentido da mesaxe que se quere transmitir. Así, un mesmo texto pode significar algo distinto segundo a cara coa que se diga.
Comprobámolo practicando diferente xestos e mensaxes.

DÍA INT. DO TEATRO

 

DÍA INTERNACIONAL DO TEATRO 2014

O vindeiro xoves 27 de marzo conmemoramos o Día Internacional do Teatro.
Este ano, a mensaxe que nos fai reflexionar sobre a importancia desta forma de comunicación foi elaborada polo dramaturgo Sudafricano Brett Bailey.
 Despois de lela, dámonos conta de que o teatro é vida e fainos soñar. Por todo o que representa e o que nos permite facer , deberiamos mantelo vivo tamén dende as nosas escolas, para que os nenos gocen non só vendo representacións senón  tamén sendo protagonistas das súas historias.

Mensaxe do Día Internacional do Teatro 2014

O CIRCO DOS ESQUECIDOS

O pasado mes de xaneiro , no CEIP A Pedra tivemos a oportunidade de gozar dunha representación teatral moi especial ; O circo dos esquecidos.
Esta obra xorde do marabilloso traballo do grupo de teatro da  Asociación Juan  XIII de Cangas. A través da música e o movemento transportáronnos ao mundo das emocións, a risa, a tenrura e mesmo a tristura.
Botádelle un ollo a esta experiencia.